یادداشت های اهور

یادداشت های منصوره اشرافی درباره هنر و ادبیات

گونشیم هاردا دیر

 

 

گونشیم هاردا دیر

 

تاریخ بویو قاچاراق

گونشی سسله می شَم

هاردادیر

هاردا قالیب

منیم او

بَخ گونشیم.

چوخ یورقونام .

بیر کوله یَم

سئویلمی شه م

من قادینام !

حاصارلار دالیندا

سعادت آدی له قورولان

سیّار بیر کرخانا .

بؤلونوب دور سعا دتیم

هفته نین گونلرینه

نه آز نه چوخ

لاپ دا برابر.

گئت گلده یم

مکعب لر ایچره

و ایته جه یه م

ائوله گورون

آراسیندا.

منیم خوشبَخ لی ییم

باتیق قاب لارایزدَحامیندا

چیح لی پالتارلارین

هوجومون دا

دوغماق لا بؤیوتمه یین

لاپ آراسیندا

اؤز یادیم دان دا چیخیب دیر.

من یورقونام .

داها هئچ ده ایسته میره م

سئویب سئویلمه یی

کیشی شاعیر لرین

شئعیر لرین ده

و توزا بورونموش

اَله چاتماز کتیبه لرده .

تاریخ بویو قاچاراق

گؤزلو - گؤزلو کور اودوم

دیل لی آغیزلی لال ایدیم

دینله ییب ائشیده رک

قولاق لی بیر کار ایدیم .

و آرادا اونلار ایدیلار

کیشی لر کی

منیم یئریمه

دئییردیلر

یازیر دیلار.

بیرکوله یه م

سئویر لر منی

چوخ چوخ دا

مئهربان دیلار

اوندا کی دینمه دن

هر زادا ، هر بیر ایشه

اَییره م اؤز بوینومی!

ایسته ییرلر

سئویر لر

بیر گول تکین

بیر شوشه نین ایچینده کن

نییه کی

قورخوروار

باشقا اَل لر

دره منی .

 

منصوره اشرافی

_________

پ. ن  از آقای علیرضا ذیحق تشکر می کنم که این شعر را به همراه چند شعر دیگر به زبان ترکی ترجمه کرده اند.

+   ; ۳:٢٠ ‎ق.ظ ; دوشنبه ۱۳۸۸/٩/٢۳

Powered by PersianBlog.ir