ده شعر از منصوره اشرافی به زبان ترکی آذربایجانی / ترجمه : علیرضا ذیحق

ده شعر از منصوره اشرافی به زبان ترکی آذربایجانی / ترجمه : علیرضا ذیحق

 

 منصوره اشرافی


ترجومه : علیرضا ذیحق


1

مظنون


کلمه

اَل بومباسی دئییل دی

ضامینین چکیب آتالار

نوقطه لین پاتلاییشی تکرارلانا

سونسوز بیر چوخالماغینان .

آما

توتوقلویورلار

دؤوره سینه تیکانلی مفتیل چکیرلر

وگاهدان ، قارا بیر مربع ده

گولله لی ییرلر .

  منصوره اشرافی


ترجومه : علیرضا ذیحق


1

مظنون


کلمه

اَل بومباسی دئییل دی

ضامینین چکیب آتالار

نوقطه لین پاتلاییشی تکرارلانا

سونسوز بیر چوخالماغینان .

آما

توتوقلویورلار

دؤوره سینه تیکانلی مفتیل چکیرلر

وگاهدان ، قارا بیر مربع ده

گولله لی ییرلر .

 

2

*

دریا

 یاتماق ایسته دی یینده

دالغالار سیلکه لی ییرلر

تا آییلا .

--------------------

*  " دریغا از عشق "  کیتابیندان ، 21- نجی صفحه

 


3

ائله بو


یاشاییش

یاشام و چؤره ک

یاشاییش ، چؤره ک و عشق

یاشاییش ، چؤره ک ، عشق و آزادلیق

هره سیندن بیر آَل بویدا .

 

----------------------------

*  " دریغا از عشق "  کیتابیندان ، " همین " آدلی شعر

 

4

قیت لیق


گؤروشون جیره یه سالیب لار

با خشینی ،

گولوشونی ،

قوجاغینی

منیم پاییم ، بیر سامان چؤپودور

یئلین قارشیندا .

 

دؤزوم داغی یام

بیر پارا کلمه

کی آردیندا بیر قادین یاتیب

انتیظار چکیری .

 

بیر قادین کی حیاتینی جیره یه سالیبلار

بیر قادین کی سئوگی سینی

جیره یه باغلاییبلار .

 

-----------------------

*  " دریغا از عشق "  کیتابیندان ، " قحطی" آدلی شعر

 

5

 

یوبانمیش

 

شعرلریم چورودولر

اسکی شراب لار

و توز باسمیش ، گئژ یئتیره ن اَل چاتماز رویالار

گیزلین ده

 اؤلدولر .

 

نه گونشین

گوناهی وار ایدی

 نه یاغیشین

نه پیرتلاشیق مؤو آغاجی نین

نه آغاجدا کی قارقالارین

ونه سنین .

فقط ،

بیرآز

یوباندین .

 

---------------------------------

*  " دریغا از عشق "  کیتابیندان ، " دیرکرده" آدلی شعر

 

6

*

شعر دئییل سن

کی کاغاذا یازام

 

غم سن

گیزلین بیر غم

کی تکجه

سنی سؤیله مه مک

سؤیله ر سنی .

 

___________________-

*  " دریغا از عشق "  کیتابیندان ، 54- نجی صفحه

 


7

سبب

 

دئییره م

نییه گرک سنه عاشیق اولمویام

 

دئییره م

یاغیشیم و گونشیم سن

نییه گرک سن اوچون آییق اولمویام .

و باخاراق سنه

نییه گرک سوسوز اولمویام

 

نم نه قَدَر یاتدیم .

یاغیشین رویالی قوجاغیندا

ایندی کی یاغیرسان

نییه گرک سنله یاغمایام .

 

گونه باخانلار گونشین قوجاغیندا

و کویرلر یاغیشین قوینوندا یاتیرلار

تا دونیانین بوتون رویالرینه

صاحاب اولالار

نییه گرک رویام اولمایاسان .

 

8

 

اَلدن آلماق

 

باهار کی گلدی

دئدیم ،

 غمی آپارار .

 

آما آپارمادی

 

سنی آما

مندن آلدی .

 

___________________-

*  " دریغا از عشق "  کیتابیندان  " ربودن " آدلی شعر 

 

9

 

خا رابا


ییخیلمیش بیر دووار

بیر خارابالیق ،

 یئرینده

خوش سسلی بیر بایقوش

دامدا .

 

آی گؤی ده

سویوق آی ایشیقی سپیر

 

یانمیش باغ

و یانقین آغاجلار

بیر گونش ، یالنیز

باشین قانادینا سوخوب

اودموش آوازیندا بیر یارا .

___________________-

*  " دریغا از عشق "  کیتابیندان  " ویران " آدلی شعر 

 

10

 

*

ایلک اؤنجه قارانلیق ایدی

و ایشیق ،

سونو.

 

قارانلیق ، آنا 

و ایشیق لیق ، ائولاد

 

من قارانلیق دان دوغولدوم

تورپاق دان بوی اتان بیتگی کیمی

تورپاق و قارانلیق

منیم آنامدیر

ایشیق لیق اما ، اوشاقیم .

 

--------------------------

*  " دریغا از عشق "  کیتابیندان ، 109- نجی صفحه


http://www.maral65.blogsky.com/1397/04/13/post-309

/ 0 نظر / 30 بازدید